જાદવ પેયેંગ, જેમણે ૪૦ વર્ષ સુધી સતત વૃક્ષારોપણ કરીને ઉજ્જડ જમીન પર જંગલ ઊભુ કર્યું

Uncategorized

ફક્ત ૧૬ વર્ષની ઉંમરથી જ જાદવ પેયેંગ નામના એક ભારતીય વ્યક્તિએ દરરોજ એક વૃક્ષ રોપવાનું શરુ કર્યું હતુ. જ્યાં હાલમાં લગભગ ૪૦ વર્ષ પછી ન્યુયોર્ક સિટીના સેન્ટ્રલ પાર્ક કરતા પણ મોટું જંગલ વિકાસ પામ્યું છે. ૧૩૬૦ એકર જમીનમાં ફેલાયેલું આ જંગલ એક સમયે ઉજ્જડ અને ધોવાણ પામેલી જમીન હતી.

જાદવ પેયેંગ માજુલી નામના વિશ્વના સૌથી મોટા નદી-દ્વીપ પર રહે છે અને તેઓ 3 બાળકોના પિતા છે. ૧૬ વર્ષની ઉંમરમાં એક કિશોર તરીકે જ્યારે તેમણે જોયું, કે ટાપુ પર દુકાળ વચ્ચે ઘટતી જતી હરિયાળીથી હજારો પ્રાણીઓ મરી રહ્યા છે, ત્યારે તેમણે મનોમન નિર્ણય કર્યો હતો કે તેઓ દરરોજ એક છોડનું રોપાણ કરશે.

તેમણે વાંસ અને કોટનવુડ જેવા એક સરળ બોટનિકલ પાવરહાઉસ સાથે શરૂઆત કરી હતી. લગભગ ચાર દાયકાના વિકાસ પછી, આ વનમાં હવે સેંકડો હાથીઓ, વાઘ, ગેંડા, ડુક્કર, હરણ, સરિસૃપ પ્રાણીઓ અને પક્ષીઓ વસવાટ કરે છે. પેયેંગ કહે છે કે તેમણે કેટલાં વૃક્ષો વાવ્યા છે તેની કોઈ ગણતરી નથી, પરંતુ તેઓ માને છે કે હવે આ લાખો વૃક્ષો વન્યજીવનને છાંયડો અને આશ્રય પૂરો પાડે છે.

એનપીઆર (NPR) સાથેની વાતચીતમાં જણાવતા પેયેંગ કહે છે કે, "એવું નથી કે આ મેં એકલા એ જ આ કાર્ય કર્યું છે. જયારે વૃક્ષ વાવવામાં આવે છે ત્યારે તેને બીજ આવે છે, અને ત્યાર બાદ પવન દ્વારા તેમનું રોપાણ થાય઼ છે. તથા પક્ષીઓ, ગાયો, હાથીઓ જેવી સમગ્ર ઇકોસિસ્ટમ પણ તેની વૃદ્ધિ માં મદદ કરે છે."

પેયેંગની આ પ્રકારની મહત્વાકાંક્ષા જોઇને શરૂઆતમાં ટાપુના સ્થાનિક લોકો તેમને પાગલ કહીને બોલાવતા હતા. પરંતુ ૨૦૦૭માં એક વન્યજીવન પત્રકાર દ્વારા આકસ્મિક રીતે તેમને શોધી કાઢવામાં આવ્યા બાદ ભારત સરકારે તેમને "ફોરેસ્ટ મેન ઑફ ઈન્ડિયા" ના નામથી નવાજ્યા હતા. તેમજ આંતરરાષ્ટ્રીય સ્તરે સંરક્ષણ રોલ મોડેલ તરીકે પણ તેઓ ઓળખાયા હતા.

આજે પણ પેયેંગ દરરોજ એક છોડનું રોપાણ કરે છે. તેઓ પોતાના નજીકના ગામમાં ગાયના દૂધનું વેચાણ કરીને પૈસા કમાય છે તેમ છતાં તેઓ પોતાના છેલ્લા શ્વાસ સુધી વૃક્ષો રોપવાનું ચાલુ રાખવા માંગે છે. વનસ્પતિ નિષ્ણાંત માને છે કે એક દિવસ આસામમાં આખો ૫૦૦૦ એકર ટાપૂ વૃક્ષો સાથે ફરીથી પુનર્જીવિત થશે.

તેમણે એક સમાચારમાં કહ્યું હતું કે, *"હું પ્રકૃતિમાં ભગવાનને જોઉં છું, કુદરત ભગવાન છે. તે મને પ્રેરણા આપે છે. તે મને શક્તિ આપે છે. જ્યાં સુધી તે અસ્તિત્વમાં છે, ત્યાં સુધી હું ટકી રહીશ."
*

Image Source: steemit.com

Leave a Reply