Month: November 2018

તાજેતરમાં જમ્મુ-કાશ્મીરમાં આતંકવાદીઓ સાથે લડીને જીવ ગુમાવનાર લાન્સ નાયક નઝિર અહેમદ વાનીની કહાની હૃદયના તાર ઝણઝણાવી દે તેવી છે. નજીર અહેમદ વાની પહેલા આતંકવાદી હતો, જયારે તેમને પોતાની ભૂલનો અહેસાસ થયો ત્યારે તેમણે આતંકનો માર્ગ છોડી દીધો અને ભારતીય સેનામાં શામેલ થઈ દેશની સેવામાં લાગી ગયા હતા.

મંગળ ગ્રહ ઉપર છુપાયેલા રહસ્યોને શોધવા માટે નાસાના ઇનસાઇટ લેન્ડરને ૨૬ નવેમ્બર ૨૦૧૮ના રોજ સફળતાપૂર્વક મંગળ ગ્રહની જમીન ઉપર ઉતારવામાં આવ્યું છે, જે મંગળ ગ્રહની આંતરિક સંરચના પૃથ્વીથી કેટલી અલગ છે તેની જાણકારી મેળવશે.

આગામી વર્ષે ગુરુ નાનક સાહેબની ૫૫૦ મી જન્મજયંતિની ઉજવણી કરવા માટે કરતારપૂર કોરિડોરને શરુ કરવા માટે ભારતે પાકિસ્તાન ને અપીલ કરી છે જેના માટે પાકિસ્તાને પણ હામી ભરી છે. આ જગ્યા શીખોનું પવિત્ર તીર્થ સ્થળ છે જ્યાં ગુરુ નાનક સાહેબે તેમના જીવનના ૧૮ વર્ષ ગાળ્યા હતા.

સમુદ્રમાં રહેલા પ્લાસ્ટિક અને પ્રદુષણને નિયંત્રણમાં લેવા માટે ‘ઓશન ક્લીનઅપ’ નામના વિશ્વના સૌથી મોટા અભિયાનની શરૂઆત કરવામાં આવી છે. આ અભિયાનની શરૂઆત ૨૪ વર્ષના ડચ સંશોધક બોયાન સ્લેટે કરી છે. તેમના કહેવા મુજબ સમુદ્રના કચરાને દુર કરવા માટે ‘ઓશન ક્લીનઅપ’ ખુબ જ ઉપયોગી ટેક્નોલોજી પુરવાર થશે.

મુંબઈની બોમ્બે સ્કોટીશ સ્કૂલમાં ગરીબ દિવ્યાંગો માટે અંગોની રિપ્લેસમેન્ટ અથવા કૃત્રિમ અંગ આપવા માટે એક અભિયાનની શરૂઆત કરવામાં આવી છે. આ અભિયાન માટે સ્કૂલના બાળકોએ જન-સહયોગ દ્વારા ૪૨ લાખ રૂપિયા જેટલો ફાળો ઉઘરાવ્યો છે.

દિલ્હીમાં સેન્ટ્રલ પોલ્યુશન કંટ્રોલ બોર્ડ(સી.પી.સી.બી.) દ્વારા વાયુ પ્રદૂષણને રોકવા માટે કટોકટીની યોજના અમલમાં મુકવામાં આવી છે. દિલ્હી-એનસીઆરમાં પડોશી રાજ્યો જેવા કે પંજાબ, હરિયાણા, અને ઉત્તર પ્રદેશ માં સળગાવવામાં આવતા કૃષિ અવશેષના કારણે વાયુ પ્રદુષણમાં વધારો થયો છે.

ઉત્તર જર્મનીના હમબર્ગમાં વિશ્વની પ્રથમ હાઇડ્રોજન સંચાલિત ટ્રેન સેવા શરૂ થઈ છે. કોરાડિયા ઇલિન્ટ નામની આ હાઇડ્રોજન ટ્રેન વાયુ પ્રદુષણ અને ધ્વનિ પ્રદુષણ બંનેથી મુક્તિ અપાવે છે, જેને એલ્સ્ટોમ નામની ફ્રેન્ચ રેલ પરિવહન કંપની દ્વારા તૈયાર કરવામાં આવી છે.

નેનો ફાઇબરનો ઉપયોગ કરી બનાવેલ કાપડ દુષ્કાળગ્રસ્ત લોકોને હવામાંથી પીવાનું ચોખ્ખું પાણી પ્રાપ્ત કરવામાં મદદરૂપ થઈ શકે છે. બે થાંભલાઓની વચ્ચે પોલિથિનની જાળી બાંધીને ‘ફોગ નેટસ’ તૈયાર કરવામાં આવે છે.

લદ્દાખ જેવા અંતરિયાળ વિસ્તારમાં શૈક્ષણિક સુધારણા તેમજ વિકાસ માટે સોનમ વાંગચુકનું મહત્વનું યોગદાન રહ્યું છે, અને લદ્દાખના યુવાનોને રોજગારીની તકો મળી રહે અને તેઓ દરેક ક્ષેત્રો સાથે સંકળાયેલા રહે તે માટે તેમણે ઘણા પ્રયત્નો કર્યા છે અને હજુ પણ પ્રયત્નો કરી રહ્યા છે.

આજકાલ દુનિયાના દરેક ખૂણામાં ઘરોના ભાવ આસમાન સુધી પહોંચી રહ્યા છે, જેના પગલે ઇટાલીયન ૩-ડી પ્રિન્ટીંગ કંપની ડબલ્યુએએસપી(વર્લ્ડ્સ એડવાન્સ્ડ સેવિંગ પ્રોજેક્ટ) ઘરોના ભાવ ઓછા કરવા માટે કામ કરી રહી છે.